ജാമിഅഃ ജൂനിയര്‍ : ഈസ്റ്റ് സോണ്‍ ഫെസ്റ്റ്
മാമ്പുഴയും കൂളിവയലും ചാമ്പ്യന്‍മാര്‍
ഗൂഡല്ലൂര്‍ : ഗൂഡല്ലൂര്‍ താലൂക്ക് മുസ്‌ലിം യതീംഖാനയില്‍ വെച്ച് നടന്ന ജാമിഅഃ ജൂനിയര്‍ ഫെസ്റ്റിന്റെ ഈസ്റ്റ് സോണ്‍ മല്‍സരത്തില്‍ അല്‍ ഹസനാത്ത് അറബിക് കോളേജ് മാമ്പുഴയും ഇമാം ഗസ്സാലി അക്കാഡമി കൂളിവയലും ചാമ്പ്യന്‍മാരായി. സീനിയര്‍, ജൂനിയര്‍ സെക്കന്ററി വിഭാഗങ്ങളില്‍ യഥാക്രമം 197, 146 പോയിന്റുകള്‍ അല്‍ ഹസനാത്ത് മാമ്പുഴയും ജൂനിയര്‍ (ഹയര്‍സെക്കന്ററി), സബ്ജൂനിയര്‍ വിഭാഗങ്ങളില്‍ യഥാക്രമം 176, 99 പോയിന്റുകള്‍ ഇമാം ഗസ്സാലി അക്കാഡമി കൂളിവയലും കരസ്ഥമാക്കി. സബ്ജൂനിയര്‍, ജൂനിയര്‍ സെക്കന്ററി വിഭാഗങ്ങളില്‍ ദാറുല്‍ ഇഹ്‌സാന്‍ പരിയങ്ങാടും ഹയര്‍ സെക്കന്ററി (ജൂനിയര്‍), സീനിയര്‍ വിഭാഗളില്‍ ദാറുന്നജാത്ത് കരുവാരക്കുണ്ടും രണ്ടാം സ്ഥാനം നേടി. സബ്ജൂനിയര്‍ വിഭാഗത്തില്‍ മശ്ഹൂദ് ടി (ഇമാംഗസ്സാലി കൂളിവയല്‍), ജൂനിയര്‍ സെക്കന്ററി വിഭാഗത്തില്‍ ആസിഫ് നിജാസ് (ദാറുല്‍ ഇഹ്‌സാന്‍ പിരയങ്ങാട്) ജൂനിയര്‍ ഹയര്‍ സെക്കന്ററി വിഭാഗത്തില്‍ മുഹമ്മദ് ശഫീഖ് (ഇമാം ഗസ്സാലി കൂളിവയല്‍), സീനിയര്‍ വിഭാഗത്തില്‍ മുഹമ്മദ് റാശിദ് പി (അല്‍ ഹസനാത്ത് മാമ്പുഴ) എന്നിവര്‍ കലാ പ്രതിഭകളായി.
അവാര്‍ഡ്ദാന സമ്മേളനത്തില്‍ കെ.പി മുഹമ്മദാജി ഗൂഡല്ലൂര്‍ അദ്ധ്യക്ഷത വഹിച്ചു. പുത്തനഴി മൊയ്തീന്‍ ഫൈസി യോഗം ഉദ്ഘാടനം ചെയ്തു. ഗൂഡല്ലൂര്‍ പോലീസ് സുപ്രണ്ട് ആര്‍. ശ്രീനിവാസന്‍ ലൂ വിജയികള്‍ക്ക് സമ്മാനങ്ങള്‍ വിതരണം ചെയ്തു. സര്‍കിള്‍ ഇന്‍സ്‌പെക്ടര്‍ ശക്തിവേല്‍ സര്‍ട്ടിഫിക്കറ്റുകള്‍ വിതരണം ചെയ്തു. ഹംസ റഹ്മാനി കൊണ്ടിപറമ്പ്, ടി.എച്ച് ദാരിമി, എ.എം അബ്ദുല്‍ ബാരി ഹാജി, ഹുസൈന്‍ ബാഖവി പ്രസംഗിച്ചു.
No comments:
Post a Comment